Tiermins di ûs
In rispiet da leç Europeane su la privacy e la elaborazion di dâts, tu âs di acetâ i tiermins di ûs par podê acedi al tô account.
Chest al è dome un struc dai ponts principâi dai tiermins di ûs, e se tu cjatis diferencis jenfri chest test e chel origjinâl in Inglês, visiti che la precedence le à simpri il test in Inglês.
1. Cuant che tu ti iscrivis su Hattrick, dopre i tiei contats esâts. Chest al semplifiche lis ativitâts di verifiche da la identitât e di jutori in câs di problemis. Par nô la coretece a è une vore impuartante e i Game Masters e pierdin un grum di timp a blocâ i imbroions. Dâts afidabii e semplifichin cheste ativitât.
Se tu âs mancul di 13 agns, no tu puedis zuiâ a Hattrick. Se tu âs jenfri 13 e 16 agns, tu puedis regjistrâti a Hattrick dome cul permès dai tiei gjenitôrs.
2. Tu âs di rispietâ lis Regulis de cjase. Tu puedis regjistrâ un acont ae volte. No tu puedis imbroiâ o cirî di robâ l'acont di un altri utent o di fâ dal mâl al nestri sît. E no sta a dismenteâti la Netiquette, compuartiti creançadementri par plasê. No tu puedis menaçâ o insultâ chei altris utents e nancje mandai spam. E rispiete simpri i copyright che no ti apartegnin.
3. Se no tu rispietis chestis regulis tu puedis pierdi la scuadre o jessi escludût dal zûc di un Game Master. La tô scuadre e sarà scancelade ancje se no tu ti conetis par 7 setemanis di file.
4. O cirin di dâ il miôr servizi pussibil, ma no podin garantî che al sedi simpri disponibil e che no sedi nissune pierdite di dâts.
5. Metint i tiei dâts intal nestri sisteme, tu nus dâs il dirit di doprâju. A nô nus stâ a cûr la protezion dai dâts e o rispietin lis regulis su la privacy da Union Europeane.
No ti mandarin mai spam e no darìn mai i tiei dâts a societâts che no an nuie a ce fâ cun Hattrick.
Di volte in volte, o podarìn mandâti une mail informative cun lis gnovis su Hattrick o altris informazions relativis al zûc.
O doprin i cookies intal nestri sît par miorâ la doprabilitât dal stes.
Tu puedis lei la nestre politiche su la privacy (in Inglês) chi.
6. O vin spindût tancj, ma tancj agns par meti in pins Hattrick e o sperin che tu capissis che se tu âs voie di doprâ cualsisei robe di Hattrick al esterni di Hattrick tu scuegnis domandânus il permès.
O podaressin ve bisugn di cambiâ i tiermins di ûs o la politiche su la privacy. In chel câs tal fasarìn savê tramit lis pagjinis dal sît.